Мамлакатимизга коронавируснинг “омикрон" штамми кириб келган бўлса-да, атрофимизда тиббий ниқоб таққанлар жуда кам. Ижтимоий тармоқларда тиббий ниқобсиз юрганларга 1 миллион 350 минг сўм миқдорида жарима жазоси қўлланилиши борасида хабарлар тарқалмоқда. Бу қанчалик асосли? Ушбу тартиб қачондан кучга кирган ёки қачондан кучга киради?

ССВ ҳузуридаги Коронавирусга қарши курашиш штаби аъзоси Ҳабибулла Оқиловнинг таъкидлашича,  бу тартиб амалда ва бекор бўлмаган. Белгиланган меъёрларга мувофиқ, жарима тайинланади. Эндиликда Миллий гвардия ходимлари тиббий ниқоб тақмаган фуқарога ниқоб тақиши кераклиги борасида эслатиб тушунтириш ишларини олиб боради ҳамда ёнида тиббий ниқоби бўлмаганларга ниқоб беради.

Моҳигул Қосимова, ЎзА