Украина қишки байрамлар даврида Москвага сулҳ таклиф қилди, аммо Кремль буни қатъий рад этди.

Аслида бу сулҳ ғояси Украинанинг Европа ҳамкорлари томонидан илгари сурилган эди. Бу ташаббусни аввал Германия канцлери Фридрих Мерц қўллаб-қувватлаб чиқди. Ғоя Украина президенти Владимир Зеленскийга ҳам маъқул келди ва сулҳ амалга ошса Киев ўт очишни тўхтатишга тайёр эканини билдирди. Бироқ, РФ президенти матбуот котиби Дмитрий Песков, - Россия қисқа танаффусни қабул қилолмаслигини, балки тўлиқ тинчлик келишувини хоҳлашини билдирди. Россия Украинага нафас ростлаб олиш ва урушни давом эттиришга тайёргарлик кўриш имконини берувчи танаффусни истамайди, -деб очиқ айтди.  

Мансабдор бу сулҳ истиқболини умумий музокаралар жараёни билан боғлади. Яъни, гуманитар танаффус ҳақидаги гапни яна катта сиёсий келишув доирасига кўчирди. Бу доирада эса, Россия, Украина учун жуда оғир бўлган ўз шартларида туриб олмоқда. Яъни, жанглар Киев Донбассдан қўшинларини олиб чиққач тўхташини билдириб, Москва буни сулҳ учун асосий шарт деб ҳисобламоқда. Украина эса, ўз навбатида, ҳудудий ён беришларсиз ўт очишни тўхтатишни талаб қилмоқда.  

<iframe width="560" height="315" src="https://www.youtube.com/embed/hqP_Lgg10zE?si=DXNyYR3ZJcQr2RY9" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Искандар Исматов, ЎзА