Toshkent xalqaro aeroportida Turkiyadan kelgan taniqli turk kino yulduzlarini kutib olish marosimi bo‘lib o‘tdi.

Ular orasida sizu bizning sevimli serialimiz "Muhtasham yuz yil" da Nigor xalfa rolini maromiga keltirib ijro etgan turk aktrisasi Feliz Axmet bor.

-O‘zbekistonga kelganimdan juda xursandman, -dedi u. - Qolaversa, ushbu festivalda ishtirok etish ham men uchun katta imkoniyat. Keyingi paytda mamlakatingizdagi katta  o‘zgarishlarni kuzatib boryapman.  Agar menga o‘zbek kinosida rol ijro etishni taklif etilsa, bajonu dil qabul qilgan bo‘lardim. Istagim, turk va o‘zbek xalqlari do‘stligi yanada mustahkamlanaversin.

Nasiba ZIYODULLAEVA, O‘zA