Тунисда Халқаро теннис федерацияси томонидан аёллар ўртасида ўтаётган турнирда мамлакатимизнинг биринчи рақамли теннисчиси Нигина Абдураимова чорак финалга чиқди.

Н.Абдураимова турнирнинг нимчорак финалида франциялик Марин Партога қарши кортга чиқди ва рақибини уч сетда 7/5, 6/7, 6/1 ҳисобида мағлуб этди. Энди у мусобақанинг чорак финалида 
хитойлик Зу Лин билан рақобатлашади.

Шунингдек, Қозоғистоннинг Чимкент шаҳрида теннис бўйича эркаклар ўртасида ўтаётган мусобақада теннисчимиз Сергей Фомин 1/8 финал босқичида швейцариялик Лоурои Мартинезга қарши кортга чиқиб,  6/0, 6/3 ҳисобида мағлубиятга учратди ва 1/4 финал босқичида россиялик Ян Бондаревский билан куч синашадиган бўлди.

Жавоҳир ТОШХЎЖАЕВ, ЎзА мухбири