Дубай шаҳрида теннис бўйича мукофот жамғармаси 100 минг АҚШ долларини ташкил этувчи халқаро турнирда ҳамюртимиз Нигина Абдураимова ғалабали одимларини давом эттирмоқда.

Мамлакатимизнинг биринчи рақамли теннисчиси Нигина чорак финалда болгариялик Изабелла Шиниковани 7:6(7), 6:2 ҳисобида мағлубиятга учратиб, 1/2 финалга чиқди.

Энди Нигина Абдураимова финал йўлланмаси учун россиялик Анастасия Тихоновага қарши кортга тушади. Мазкур баҳс Тошкент вақти билан соат 16:30 бошланади.

Жавоҳир Тошхўжаев, ЎзА