Fransiyaning Limoj shahrida tennis bo‘yicha ayollar o‘rtasida mukofot jamg‘armasi 125 ming AQSH dollarini tashkil etuvchi xalqaro turnir o‘tkazilmoqda.

Unda mamlakatimizning birinchi raqamli tennischisi, hamyurtimiz Nigina Abduraimova yakkalik bahslarining ilk bosqichida shveysariyalik Syuzan Bandechchiga qarshi kortga chiqdi. Mazkur uchrashuvda tennischimiz 6:4, 3:1 hisobida g‘alaba qozonayotgan vaqtda Syuzan o‘yinni davom ettirishdan bosh tortdi va mag‘lubiyatini tan oldi.  

Shu tariqa ikkinchi bosqichga yo‘l olgan N.Abduraimova chorak final yo‘llanmasi uchun dunyo reytingida 50-pog‘onada borayotgan rossiyalik Anna Blinkovaga qarshi o‘yin o‘tkazadi.  

Javohir Toshxo‘jayev, O‘zA