Polshada Xalqaro tennis federatsiyasi tomonidan ayollar o‘rtasida "W100 GRODZISK MAZOWIECKI" musobaqasi o‘tkazilmoqda.

Mazkur musobaqada mamlakatimiz sharafini tajribali tennischimiz Nigina Abduraimova munosib himoya qilmoqda. U turnirning yakkalik bahslari asosiy to‘rida rossiyalik Valeriya Savinixga qarshi kortga chiqib, yakunda 6:3, 6:4 hisobida raqibi ustidan zafar quchdi.

Endi Nigina Abduraimova xalqaro turnirning ikkinchi davrasida chexiyalik Linda Noskova bilan raqobatlashadi.


Javohir TOSHXO‘JAEV, O‘zA