Нигериядаги нефть конларидан бирида кучли портлаш юз берди
Нигерия жанубидаги нефть конларидан бирида кучли портлаш содир бўлди, дейилади “Reuters” агентлиги хабарида.
Объект Нигерия миллий нефть компаниясига тегишли ҳисобланади.
Маълумотда айтилишича, ҳодиса натижасида ҳеч ким жабрланмаган, лекин портлаш туфайли нефть қазиб олиш миқдори кунига 10 минг баррелга камайиши мумкин.
Ҳозирда портлаш сабаблари ўрганилмоқда, талафотлар бўйича тафсилотларга эса аниқлик киритилмоқда.