Нигерияда жанармай тасымалдаушы көлік апатқа ұшырап, жарылыс болды. оқиға салдарынан 70-ке жуық адам қаза тапқан.

Ресми мәліметтер бойынша, қаза тапқандардың көпшілігі кедей халықтың өкілдері болған. Олар төгілген бензинді ыдыстарға құйып алуға тырысқан. Оқиға барысында түрлі деңгейдегі 50-ден астам адам дене жарақаттарын алған. 

Аталған жүк тасымалы үшін темір жол жүйесінің болмауы елде кейбір қайғылы оқиғалардың орын алуына себеп болуда. Мысалы, өткен жылдың қазан айында Жигава штатында дәл осындай жарылыс болып, 147 адам қаза тапқан еді.