Нигерияның Бенуэ штатындағы Кванде аймағында белгісіз қарулы топтың шабуылы салдарынан 11 адам көз жұмды.

Жергілікті бұқаралық ақпарат құралдарының хабарлауынша, оқиға кезінде жарақат алғандар саны да аз емес. Сонымен қатар, шабуылшылар үйлерді өртеп, бірнеше адамды төлем талап ету үшін ұрлап әкеткен.

Айта кету керек, бұл аймақ қарулы шабуылдардың жиі нысанасына айналады. Өйткені, өткен айда Лого қаласында болған қайғылы оқиғада 30 адам қаза тапқан еді. Соңғы жылдары Нигерия «Боко Харам» мен «ДАИШ-тың Батыс Африкадағы филиалы» (ISWAP) секілді террористік ұйымдардың, сондай-ақ қарулы бандалардың шабуылына жиі ұшырап келеді.

Елде адам ұрлап, төлем талап еткендерге өлім жазасы қарастырылғанына қарамастан, мұндай жағдайлар үнемі қайталануда. Қарулы топтар негізінен солтүстік ауылдары мен мектептерде, сондай-ақ туристер көп шоғырланған жерлерде қарақшылық және бопсалаумен айналысады.