Нигерияның солтүстігіндегі Кадуна штатында қарулы адамдар 227 мектеп оқушысын ұрлап кетті.

Reuters агенттігінің хабарлауынша, оқиға 7 наурызда елдің солтүстік Кадуна штатындағы Курига қаласында болған.

Жергілікті мұғалімдердің айтуынша, ұрлық мектептегі 2021 жылдан бергі ең ірі оқиға болды. 

Содырлар таңғы жиналыстан кейін мектепке шабуыл жасаған. Мұғалімдердің бірі Сани Абдуллахидің айтуынша, орта мектептен ұрланғандар саны 187, ал бастауыш мектептен 40-қа жуық. 

Курига қалалық кеңесінің мүшесі Идрис Майаллураның айтуынша, содырлар бастапқыда 100 бастауыш мектеп оқушысын тұтқындағанымен, кейін олардың кейбірін босатып, өздері де, басқалары да қашып үлгерген.

Штат губернаторы Уба Сани барлық мектеп оқушыларының босатылуын қамтамасыз етуге уәде берді. Amnesty International ұйымы Нигерия үкіметін балаларды құтқарып, қылмыскерлерді жауапқа тартуға шақырды.