Нигерде маусым айынан бері толассыз жауған жаңбыр салдарынан болған су тасқыны мен көшкін құрбандарының саны 94 адамға жетті.

Азаматтық қорғаныс бас басқармасының мәліметінше, маусым айында басталған толассыз жауыннан жалпы 135 156 адам зардап шекті.

Көшкін мен су тасқыны салдарынан мыңдаған адам баспанасыз қалды.

Нигерде жаңбырлы маусым жаз айында басталып, қыркүйекте аяқталады. Өткен жылы толассыз жауған жаңбыр салдарынан 41 адам қаза тауып, 53 адам жарақат алған еді. Жалпы өткен жылы табиғи апаттан 137 797 адам зардап шеккен.