Ukrainaning Yevropa Ittifoqiga kirishi haqidagi arizani ko‘rib chiqish uzoq jarayon bo‘ladi, tezlashtirilgan holatda bunday ish ko‘rib chiqilmaydi, dedi Niderlandiya bosh vaziri Mark Ryutte Yevropa Ittifoqining Versaldagi navbatdan tashqari sammiti chog‘ida.

– Ariza Yevropa komissiyasiga ko‘rib chiqish uchun taqdim etildi. Biz hammamiz Yevropada qarindoshmiz. Biroq, Yevropa Ittifoqiga qo‘shilish ehtimoli uzoq davom etadigan jarayon", – deydi Ryutte. – Tezlashtirilgan ariza berish tartibi yo‘q. Qisqa muddatda Yevropa Ittifoqi davlatlari Ukraina va uning prezidenti Vladimir Zelenskiyni qo‘llab-quvvatlaydi, deya qo‘shimcha qildi, u.

Ma’lumot o‘rnida, Vladimir Zelenskiy 28-fevral kuni Ukrainaning Yevropa Ittifoqiga qo‘shilishi haqidagi arizani imzoladi. Ertasi kuni Yevroparlament Ukrainaga nomzod davlat maqomini beruvchi rezolyutsiyani qo‘llab-quvvatladi.