Үндістанның «New Delhi Times» газетінің бас редакторы Др. Анкит Сривастава Өзбекстан Республикасы Президенті Шавкат Мирзияевтің қызметі мен елдегі реформалар туралы көлемді мақала жариялады.

Автор, Шавкат Мирзияев Өзбекстан президенті қызметіне кіріскеннен бері, ел бұрын-соңды болмаған дамудың дәуірін бастан өткеріп қана қоймай, сонымен қатар Орталық Азиядағы жетекші ел ретінде қалыптасқан халықаралық аренадағы беделін арттырды. Осы тұрғыдан мақала авторы Шавкат Мирзияевті Өзбекстандағы реформалардың «чемпионы» деп бағалаған.

2016 жылдың 8 қыркүйегінде президент Ислам Каримов қайтыс болғаннан кейін, Шавкат Мирзияевті «Олий Мажлис» Өзбекстанның уақытша президенті етіп тағайындады. Кейін ол 2016 жылдың желтоқсанында өткен президенттік сайлауда 88,6 пайыз дауыспен толық мерзімге Президент болып сайланды және 2016 жылдың 14 желтоқсанында ресми түрде ант берді.

Президент ретінде қызметке кіріскеннен бері ол демократиялық және экономикалық өсуді арттыру үшін үнемі батыл шешімдер қабылдады. Оның көзқарасы мына сөзбен айқындалған: «Халық үкімет үшін емес, үкімет халыққа қызмет ететін уақыт келді». Мирзияев Өзбекстанда азаматтар мен идея және технологиялардың еркін ағынына жол беріп, сауда мен инвестиция саласына жол ашуға баса назар аударды.

2017-2021 жылдарға арналған «Ұлттық даму стратегиясы» жаңа Өзбекстан Президентінің көзқарасына сәйкес қабылданды.

Бұл елдегі саяси жүйе үшін оң нәтиже берді. Саясаткерлер мен саяси институттардың қоғамдық қабылдауға деген сенімін арттырды. Өзбекстанның азаматтық және саяси ландшафты үлкен жетістіктерді көрсетті. 

Азаматтық қоғам ұйымдары мен бұқаралық ақпарат құралдары неғұрлым либералды жұмыс істеп келеді. Алдыңғы көзқарас секілді азаматтық қоғам жау емес, саяси процестің белсенді серіктесі. Елде тіркелген азаматтық қоғам саны жылдан-жылға артуда.

Әкімшілік ашықтық айтарлықтай жақсарды және «Transparency International» ұйымының «2019 жылғы сыбайлас жемқорлықты қабылдау индексі» туралы қорытындыға сай Өзбекстан 5 позицияға көтеріліп (153-позицияны иеленіп) 25 ұпайға дейін жақсарды.

Егер қазіргі Президент билік басында ұзақ уақыт отырса, бұл рейтинг үздіксіз серпіліс беретіні сөзсіз.

Халықаралық валюта қоры (ХВҚ) Өзбекстанның банктік заңнамасын және жер реформаларын мақұлдады.

Экономикалық ынтымақтастық және даму ұйымының несиелік тәуекел рейтингіндегі елдің жағдайы жақсарды. Дүниежүзілік Банктің Doing Business рейтингіне сәйкес 7 сатыға көтеріліп, ел бизнесті тіркеу деңгейі бойынша 190 орын арасында 8-орынға ие болды және ең жақсы реформаторлар қатарына кірді.

Денсаулық сақтау саласында Өзбекстанның COVID-19 реакциясы Дүниежүзілік денсаулық сақтау ұйымының (ДДСҰ) жоғары бағасына ие болды: «Өзбекстан жоғары деңгейдегі қоғамдық бақылау жүйесінен, сонымен қатар шешімдер туралы ақпарат беру үшін күнделікті мәліметтерді ұсынатын жұмысшылардың бақылау жүйесінен пайда көреді».

Шавкат Мирзияев Өзбекстанның халықаралық беделін, әсіресе оның Орталық Азиядағы аймақтық рөлін көтерді. COVID-19 пандемиясы кезінде Президент инфекцияның таралуымен күресудің бірлескен шараларын әзірледі. Өзбекстан Қырғызстан мен Тәжікстанға гуманитарлық көмек көрсете алды.

Өзбекстан Президенті өз елінің Орталық Азиядағы аймақтық ынтымақтастықты дамытуға деген ұмтылысын баса айтып, Біріккен Ұлттар Ұйымының қолдауымен көлік және коммуникация салаларын дамытудың аймақтық орталығын құруды ұсынды.

Сонымен қатар БҰҰ-ның Аймақтық лаңкестікке қарсы стратегиясының 10 жылдығына арналған халықаралық конференция өткізуге қолдау білдірді.

Өзбекстанның бұл ұсыныстары мен бастамалары тек қана Орталық Азиядағы экономикалық, аймақтық позицияны нығайтуға ғана емес, сонымен бірге аймақтағы қауіпсіздік архитектурасын нығайтуға да көмектесті.

Бұдан бөлек, Өзбекстанды Ауғанстанда тұрақты бейбітшілік орнатуға шақырды және  Ауғанстанның экономикалық және әлеуметтік дамуына ықпал ету үшін БҰҰ-ның Ауғанстан бойынша тұрақты комиссиясын құруды ұсынды.

Бұл Ауғанстандағы кез-келген бейбітшілік процесі ауған халқының қалауына сәйкес болуы керек және кез-келген сыртқы күшпен орнатылмауы керек деген қағидаға сәйкес келеді.

Осылайша, Шавкат Мирзияевтің ішкі және халықаралық істердегі саясаты сәтті болды. Ішкі майданда экономика халықтың әл-ауқаты үшін ашылады, 

Халықаралық қатынастар саласында Өзбекстан тез арада Орталық Азиядағы аймақтық қауіпсіздік саласындағы жетекші ойыншыға айналуда, делінген мақалада.