Samarqand shahar nuroniy jamoatchilik kengashi tashabbusi bilan “Kitob olami” ma’naviy-ma’rifiy majmuasida tashkil etilgan aksiya shunday nomlandi.

– Kelajak avlodni ma’rifatli qilib tarbiyalash, kitob o‘qishga qiziqtirish biz, keksalarning burchimiz, – deydi Samarqand shahar nuroniy jamoatchilik kengashi raisi Xurshid Nurullayev. – Keksa otaxonu onaxonlar nevara-yu chevaralarini haftada, hech bo‘lmasa, bir marta kutubxonaga olib kelsa, ularda shu ko‘nikmani hosil qilishga turtki beradi. Shu maqsadda ushbu tadbirni tashkil etib, shahrimiz nuroniylarini kitob do‘koniga taklif etdik.

Nuroniylar nabiralarini “Kitob olami”ga yetaklab kelib, ular uchun turli xil kitoblar sotib oldi, ular bilan qo‘shilib, shu yerda mutolaa qildi.

G‘.Hasanov, O‘zA