Америкалик тадбиркор Илон Маскнинг “Neuralink” компанияси октябрь ойида мия импланти ёрдамида фикрни матнга айлантириш имконини берувчи технология синовини бошламоқчи, дея хабар тарқатган “Блоомберг” агентлиги.

- Октябрь ойига мўлжалланган бу ташаббус нутқида нуқсон бор инсонлар учун янгича мулоқот имкониятини яратиши мумкин, - деб ёзган агентлик.

Қайд этилишича, компания ушбу қурилмани 2030 йилгача соғлиғида муаммо бўлмаган одамлар учун мослаштиришни режалаштирган.

Март ойида Маск “Neuralink” 2025 йил охиригача кўришда нуқсони борларга ёрдам берадиган биринчи инсон имплантанти қўлланишини эълон қилган.

2024 йил сентябрь ойида миллиардер “Neuralink”нинг визуал имплантацияси, ҳатто, туғма кўзи ожизларга ҳам кўриш имконини бериши, келажакда қурилма биз ўрганиб қолганлардан бошқа спектрларни ҳам аниқлай олишини айтганди.

С.Раҳимов, ЎзА