Жанубий Кореянинг машҳур “Калмар ўйини” (Squid Game) сериали иккинчи фаслининг сценарийси ишлаб чиқилмоқда.

Бу ҳақида режиссёр Хван Дон-хёкнинг Netflix Америка стриминг сервис сайтида нашр қилинган хабарида айтилмоқда. Унинг маълум қилишича, экранга биринчи фаслнинг бош қаҳрамони ва биринчи фасл антагонисти қайтади. Шу билан бирга, томошабинлар янги қаҳрамонлар билан танишади. Сериалнинг чиқиш санаси кўрсатилмаган.

"Калмар ўйини" Netflixнинг энг машҳур сериали деб эътироф этилган. Фильм 2021 йил 17 сентябрда эфир юзини кўргандан сўнг, биринчи тўрт ҳафта давомида томошабинлар сериални томоша қилишга 1,65 миллиард соатдан ортиқ вақтини сарф қилган. Унда ҳаёти издан чиққан, катта пул мукофоти илинжида уни хавф остига қўйган инсонларнинг омон қолиш учун курашиши акс эттирилган яширин ўйин ҳақида ҳикоя қилинади. 

Роман БОНДАРЧУК, ЎзА