Ijtimoiy tarmoqda tarqalgan video lavhada notanish shaxs Isroil Bosh vaziri Binyamin Netanyaxuning Meksikadagi mum muzeyidan joy olgan haykali buzib tashlangani aks etgan.

CNN yozishicha, tasvirda siyosatchining oyog‘i ostida Falastin bayrog‘i yotibdi, haykalning yuziga qizil bo‘yoq sepilgan, so‘ng bolg‘a bilan urib, yiqitilgan.

Muzey mutasaddilari ushbu harakatni qoralab, majmua "hech qanday siyosiy, mafkuraviy yoki diniy bog‘liqlikka mansub bo‘lmagan, betaraf muassasaligi"ni qayd etgan.

Isroilning Meksikadagi elchixonasi voqeani zo‘ravonlik harakati, deb atadi.