Бугун дунёдаги аксар йирик оммавий ахборот воситалари ўтган тун Эрон Исроил осмонини қора тутунга тўлдиргани ҳақида ёзмоқда.

Исроил ҳарбийлари айтишича, 180 га яқин ракетанинг аксарияти уриб туширилган. 

BBС ахборотида нишон остидаги Ғарбий Соҳилда бир фаластинлик ҳалок бўлгани, Исроил марказидаги мактаб ва Тель-Авивдаги ресторанга зарба йўллагани айтилган. 

– Эрон бугун тунда катта хатога йўл қўйди ва бунинг хунини тўлайди, – дея воқеага изоҳ берган Исроил Бош вазири Биньямин Нетаньяху. 

Маълумки, бир неча кун олдин Исроил қўшинлари Ливанга нисбатан босқин ҳаракатини бошлаган ва буни Ҳизбуллоҳга қарши ер бўйлаб “чекланган, маҳаллийлаштирилган, мақсадли” амалиёт сифатида талқин этган. 

Сешанба куни эрталаб Исроил хавфсизлик амалдори “ҳеч қандай тўқнашув юз бермагани”ни билдирганди. Негадир, кўп ўтмай Ливаннинг 25 га яқин қишлоғидан одамларни кўчириш кераклиги эълон қилинган. 

Бирлашган Миллатлар Ташкилоти ва Европа Иттифоқи дарҳол ўт очишни тўхтатишга чақирди. Яқин орада БМТ Хавфсизлик Кенгаши ушбу масалада йиғилиш ўтказишни режалаштирган.