Исроил бош вазири Биньямин Нетаньяҳу мамлакат президентидан авф этишни сўрамоқда. Бу ҳақда Исроил президенти идораси хабар берди.

2019 йилда Биньямин Нетаньяҳуга коррупция, фирибгарлик ва хизмат мавқеини суиистеъмол қилиш билан боғлиқ учта жиноий иш бўйича айбловлар қўйилган. Жумладан, у миллиардер дўстларидан қимматбаҳо совғалар олгани, шунингдек, медиамагнатларга ўз фаолияти ҳақида ОАВда ижобий ёритиш эвазига ўлкада енгилликлар яратиб бергани иддао қилинган. Бироқ Нетаньяҳу ўзига қўйилган айбловларни рад этиб келади.  

Жорий йилнинг июнь ойида АҚШ президенти Дональд Трамп Нетаньяҳу иши бўйича Исроилдаги суд жараёнларини тўхтатиш тарафдори эканини билдириб, Исроил президентидан Нетаньяҳуни афв этишни сўраган эди. Чунки Исроил президенти суд томонидан ҳукм қилинган шахсларни афв этиш ҳуқуқига эга.  

Нетаньяҳунинг таъкидлашича, мамлакат бош вазири бўлганлиги учун унинг тарафдорлари ва унга қаршилар иккига ажралган. Бинобарин, унинг иши мамлакатни бўлиб юборганини айтаркан, агарда афв этилса бу миллий бирдамликни тиклашга ёрдам беришини маълум қилган. Шунингдек, ҳар ҳафта уч марта судга келиши талаби қўйилаётганлиги, бу талаб унинг давлат бошқарув ишларига тўсқинлик қилаётганини айтган.

Исроил етакчиси Исҳоқ Герцогнинг кенгаши хабар беришича, Президент мамлакат бош вазири Нетаньяҳунинг афв тўғрисидаги илтимосини “масъулият билан ва виждонан” кўриб чиқади.  

<iframe width="650" height="420" src="https://www.youtube.com/embed/Wy8YmTxQiYQ" title="Netanyahu Isroil prezidentidan afv etishni so`radi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА