Непалда самолёт қулаб тушгани маълум қилинмоқда. Ҳалокат содир бўлган жойдан 14 кишининг жасади топилди, дейилади Tara Air авиакомпанияси вакили Сударшан Бартаулунинг Kathmandu Post нашрига берган интервьюсида.

"Жасадлар самолёт қулаб тушган жойдан айланасига 100 метр масофада сочилиб ётибди, уларни қидирув-қутқарув гуруҳи йиғиб олмоқда", – деган у.  

Вакилнинг таъкидлашича, самолёт тоғ қоясига бориб урилган ва бўлакларга бўлиниб, сочилиб кетган. Бортида 22 киши бўлган самолёт Покхара шаҳри аэропортидан парвоз қилгандан кейин бир неча дақиқа ўтгач, алоқага чиқмай қўйган.  

Экипаж аъзолари таркибига уч киши кирган. Йўловчиларнинг 16 нафари непаллик, тўрт нафари ҳиндистонлик ва яна Германиянинг икки фуқароси ҳам бўлгани айтилмоқда.