Yeti Airlines компаниясининг Катмандудан учаётган ATR 72 турбовинтли йўловчи самолёти якшанба куни эски ва янги Похара аэропорти ўртасида қулаб тушди.

Aвиакомпания вакилининг сўзларига кўра, бортда 68 йўловчи ва тўрт нафар экипаж аъзоси бўлган. Фавқулодда ҳолат сабаблари ўрганилмоқда.

Россиянинг Непалдаги элчихонаси маълумотларига кўра, самолёт бортида тўрт нафар россиялик бўлган. Ҳиндистоннинг  News18 телеканали хабарига кўра, Непалда ҳалокатга учраган самолётнинг барча йўловчилари ва экипаж аъзолари ҳалок бўлган.

Ҳалокатга учраган самолётнинг 15 нафар йўловчиси хорижликлар бўлган, деб хабар бермоқда “Online Khabar” бортдаги йўловчилар рўйхатига таяниб. Маълумотларга кўра, йўловчиларнинг 53 нафари непаллик, 5 таси ҳиндлар, 4 та рус бўлган. Йўловчилар орасида ирланд, корейс, аргентина,  австралиялик ва француз миллати вакиллари ҳам бўлган.