9-12 қаңтар аралығында Германияның Франкфурт-Майн қаласында әлемдегі ең беделді халықаралық тоқыма бұйымдарының HEIMTEXTILE - 2024 көрмесі өтті.

«Dunyo» хабарынша, 60-тан астам ел қатысқан шарада Өзбекстанның ГФР-дегі дипломатиялық өкілдіктерінің бастамасымен, Өзбекстанның Экспортты ынталандыру агенттігі мен «Узтоқималиксаноати» бірлестігінің қолдауымен, 20 жетекші тоқыма кәсіпорны 200 шаршы метр аумаққа орналастырылған «Made in Uzbekistan» ұлттық стендінде Өзбекстанның өнімдерін көрсетті.

Көрме аясында инвестициялық және экспорттық мүмкіндіктерді кеңейту мақсатында беделді еуропалық компаниялармен В2В форматында бірқатар кездесулер өтті. Бұл кездесулердің мақсаты Өзбекстанға еуропалық компанияларды көбірек тарту және экспорттық келісімшарттарды арттыру бойынша нақты ұсыныстарға қол жеткізу.

Langheinrich мақта талшығы және тоқыма өнімдері компаниясының бас директоры Буркхард Оелдің айтуынша, 1832 жылы негізі қаланған бұл компания 190 жылдық тарихы бар ірі компаниялардың бірі.

«Біз Бұхарадағы Sara Group компаниясымен ынтымақтастығымызды бастағанымызға бір жылдан асты. Өзбекстанда шетелдік инвесторлар мен өндірушілерге жасалған қолайлы жағдай, мақта шикізатының қолжетімділігіне байланысты экономикалық серіктес ретінде сіздің елді таңдадық. Бұхарада өз өнімдерімізді шығарып жатқанымызға және бұл ынтымақтастыққа өте қуаныштымыз.

Өзбекстанда өндірілген өнімді халықаралық нарыққа шығарғанымызға қуаныштымын. Атап айтқанда, бүгінде Германияның Lufthansa әуе компаниясына өнім шығаруды қолға алдық. Біздің келесі мақсатымыз - өнімдерімізді Metro дүкендерінде сатуды бастау. Қазіргі уақытта аталған компаниямен келісім-шарт жасау бойынша келіссөздер жүргізілуде», - деді ол.