Футбол бўйича Ўзбекистон Суперлигасининг 27-туридан ўрин олган "Сўғдиёна" – "Қизилқум" ва "Нефтчи" — "Сурхон" учрашуви ўз якунига етди.

Фарғона шаҳридаги “Истиқлол” стадионида ўтган "Нефтчи" — "Сурхон" жамоалари баҳсида мезбонлар рақибларини 2:1 ҳисобида таслим этди. Натижада "Нефтчи" мазкур ғалабадан сўнг очколарини 60 тага етказиб олган ҳолда Суперлига пешқадамига айланиб олди. "Сурхон" эса 28 очко билан 11-поғонада қолди.

"Зомин" стадиони ўтказилган "Сўғдиёна" – "Қизилқум" ўйини 3:0 ҳисобида ўз якунига етди.  

Мезбонларга ғалаба келтирган голларга Люпчо Дориев ва Рубин Хебай, (дубль) муаллифлик қилди. Қайт этилган ушбу натижадан сўнг Жиззах шаҳри жамоаси 34 очко билан 8-поғонага чиқиб олди. "Қизилқум" эса 32 очко жамғариб, 9-ўринга тушиб кетди. 

Жавоҳир Тошхўжаев, ЎзА