Перу атроф-муҳит муҳофазаси вазирлиги мамлакатнинг нефт тўкилишидан азият чеккан денгиз соҳили ҳудудида фавқулодда экологик вазият ҳолатини эълон қилди, деб ёзади “Elperuano” нашри.

Денгиз бўйлаб нефтнинг ёйилиши давом этмоқда. Фавқулодда ҳолат 90 кунга жорий қилинган. 

Нефтнинг тўкилиши кутилмаган ҳодиса бўлиб, биологик хилма-хилликни ўзида намоён қилган денгиз экотизимига катта зарар етказган. 

Эслатиб ўтамиз, 15 январда Вентанильянинг Каверо ва бошқа дам олиш ҳудудларида кемадан нефтни тушириш вақтида 6000 баррель нефт денгизга тўкилиб кетгани маълум қилинганди.