AQSH va Isroilning Eronga uyushtirgan hujumidan keyin birinchi marta birja savdosi boshlandi.

"Blumberg" ma’lumotiga ko‘ra, Brent markali neftning narxi 13 foiz ko‘tarilib, bir barrel uchun 82 dollarga yetdi. Tahlilchilar ta’kidlashicha, bu Rossiya - Ukraina urushi boshlangandan beri, ya’ni to‘rt yil ichidagi eng yuqori o‘sish.

To‘g‘ri, keyin qiymat biroz pasayib, 78,3 dollarga tushgan. Hisob-kitobga ko‘ra, agar Hormuz bo‘g‘ozi orqali tashuv to‘xtasa, narx 100 dollardan ham oshib ketishi mumkin. Binobarin, Eron tashqi ishlar vaziri Abbos Arag‘chiy, garchi kemalar xavfsizlik muammosi tufayli hududdan qochayotgan bo‘lsa ham, mamlakat bo‘g‘ozni to‘sib qo‘yish niyatida emasligini ma’lum qildi.

S.Rahimov, O‘zA