Әндіжан облысында «Collegium Humanum» Варшава университетінің филиалы ашылады.

Осыған байланысты Министрлер Кабинеті қаулы қабылдап, оған байланысты ЖОО филиалы мемлекеттік емес жоғары оқу орны болып табылады және өз қызметін 2021/2022 оқу жылынан бастауы айтылған. 

Білім ордасында оқу күндізгі оқыту түрінде ағылшын, орыс және өзбек тілдерінде ақылы негізде жүзеге асырылады. Бастапқы кезеңде филиал келесі бакалавриат бойынша студенттерді қабылдайды:

• «Қаржы және есеп»;
• «Көлік және логистикадағы менеджмент»;
• «Халықаралық бизнес және маркетинг»;
• «Туризм, қонақ үй бизнесі мен қоғамдық тамақтану саласындағы менеджмент және маркетинг»;
• «Шағын және орта кәсіпкерлікті басқару»;
• «Ақпараттық-коммуникациялық технологиялар».

Атаулы филиалды бітірген түлектерге Өзбекстандағы жоғары білім туралы құжат ретінде танылған диплом беріледі.

«Collegium Humanum» Варшава университетінің филиалы жыл сайынғы қабылдау параметрлерінің кемінде 10% -ы әлеуметтік қорғауға мұқтаж отбасылардың дарынды балаларын конкурстық негізде грантқа қабылдайтын болады.

Білім ордасында сабақ беру үшін Польша Республикасынан және басқа Еуропа елдерінен білікті шетелдік профессорлар тартылады және оқу үлгерімі жоғары, дарынды студенттердің оқу ақысының 50% дейін жеңілдік қарастырылған.