Үндістанның солтүстігіндегі Химачал-Прадеш штатындағы косметика зауытында болған ірі өрттен 31 адам зардап шекті.

Синьхуа агенттігінің хабарлауынша, жарақат алдардың кейбірінің жағдайы ауыр. 

Өрт Химачал-Прадеш астанасы Шимладан оңтүстік-батысқа қарай 77 шақырым жерде орналасқан Солан ауданындағы косметика зауытында шыққан.

Химачал-Прадештің Табиғи апаттарды басқару басқармасының қызметкері зардап шеккендердің әртүрлі ауруханаларға жеткізілгенін және ауыр халдегілердің Чандигархқа жіберілгенін мәлімдеген.

Өрттің шығу себебі әзірге белгісіз.