Үндістанның Тамилнаду штатындағы Вирудунагар қаласында орналасқан пиротехникалық зат шығаратын фабрикада жарылыс болып, 16 кісі қаза тапты.

Times of India мәліметінше, жарылыс химиялық заттарды араластыру кезінде болған. Фабрикадағы өрт жақын маңдағы жұмыс орындарына тарап, нәтижесінде жарылыстар ұзақ уақытқа созылған. Мұның салдарынан біразға дейін құтқарушылардың оқиға орнына жақындауы қиындағаны айтылады. 

Соңғы деректерге қарағанда апаттың салдарынан 16 кісі қаза болып, 36 азамат түрлі жарақатпен ауруханаға жеткізілген.