Үндістанның Бихар штатындағы тамақ өңдеу зауытында қазандық жарылып, салдарынан алты жұмысшы қаза тапты және оннан астамы жараланды.

Hindustan Times порталының дерегінше, оқиға салдарынан жақын маңдағы ғимараттар да зардап шеккен. Жарылыстың күшті болғаны сонша, оның дауысы оқиға орнынан бес шақырым жерге дейін тараған.

Қазіргі уақытта құтқару жұмыстары жалғасуда. Оқиғаның нақты себебі әлі анықталған жоқ.