Үндістанның Колката қаласының орталығында орналасқан «Rituraj» қонақүйінде шыққан өрт салдарынан 14 адам көз жұмды, тағы 13 азамат түрлі жарақаттар алды.

Оқиға орнына шұғыл қызмет өкілдері жұмылдырылып, бірнеше адам құтқарылған.

Жергілікті полицияның хабарлауынша, өрттен кейін 14 адамның мәйіті табылған. Қазір өрттің шығу себептерін анықтау үшін арнайы комиссия құрылып, тергеу жұмыстары жүргізілуде.