Өзбекстанда 20-ға жуық баланың өліміне себеп болған «Док-1 MAX» препаратын шығарған Үндістанның Marion Biotech компаниясының қызметі уақытша тоқтатылды.

29 желтоқсанда компанияның Нойда қаласындағы зауытын Үндістанның есірткіні бақылау комитеті мен мемлекеттік есірткі инспекциясы бірлесіп өткізген тексерісте өндіріс процесінде «нормадан ауытқу» жағдайлары анықталды. Тексеріс Өзбекстан үкіметі елдегі 20-ға жуық баланың өлімін компанияның Dok-1 MAX жөтелге қарсы сиропымен байланыстырғаннан кейін басталды.

Ресми дерек бойынша, өндіріс процесін тоқтату туралы хабарлама компанияға 2 күндік тексеруден кейін берілген. Тексерушілер серіктестіктің бірнеше өнімінен, соның ішінде Өзбекстанға экспортталатын «Док-1 МАКС» шәрбатынан сынама алған (үлгілер кәсіпорында сапаны бақылау үшін сақталады).

«Дәрі-дәрмекке тестілеудің белгілі бір талаптары бар, олар сақталмаған. Қысымның төмендеуін сақтау керек жерде ол сақталмаған. Кейбір магнитоспиральды манометрлер (қысым айырмашылығын жазу үшін қолданылады) жұмыс істемеген. Барлық заңбұзушылықтар тіркеліп, компанияға берілді», - делінген хабарламада.

Порталдағы хабарға сай, қалған жағдай тергеу негізінде қабылданатыны айтылған.