Үндістанда коронавирустық «үнді» штаммының жаңа нұсқасы таралды. Махараштра штатында анықталған бұл түр Дельта-плюс деп аталды («үнділік» штамм «дельта» деп аталған).

Hindustan Times мәліметінше, жалпы қорытынды бойынша штаттың төрт уезінде жаңа мутацияның 20 жағдайы тіркелген.

Үндістан Денсаулық сақтау министрлігі жаңа штам зерттеушілерді қызықтырғаны, бірақ ол әлі күнге дейін қаупті мутациялар санатына енбегенін айтқан.

Алайда Үндістан медициналық ғылымдар институтының жетекшісі Рандип Гулерияның сөзіне қарағанда, егер штамм зерттелмесе болашақта алаңдаушылық тудыруы мүмкін деп ескертті. Гулерия жаңа мутация вирустың сипаттамаларын «жұқпалылығын» өзгерте алады, оның мінез-құлқын бірнеше апта бақылау керек деп түсіндірген.