Үндістанның Уттар-Прадеш штатындағы діни рәсім кезінде 107 адам қаза тапты.

Hindustan Times дерегінше, қайғылы оқиғаға кептеліс себеп болған.

Қаза болғандардың көпшілігі әйелдер. Аман қалғандардың бірі басылымға кептеліс уағызшы Бхоле Бабаның уағызынан кейін басталғанын айтқан. 

Этах ауданының бас дәрігері Умеш Кумар Трипати жарақат алғандардың кейбірі медициналық мекемелерге жеткізілгенін айтқан.

Полиция мәліметінше, кептеліске адамдардың көптігі себеп болуы мүмкін.

Еске салар болсақ, 2023 жылдың қараша айының соңында Үндістанның Керала штатындағы Кочин қаласындағы университеттік музыкалық фестивальде кептеліс болып, төрт адам қаза тапқан еді.