Үндістанның астанасы Делиде ауа температурасы алғаш рет 50 градустан асты.

Бұған дейін Үндістанның метеорологиялық департаменті (IMD) «аномальды ыстық толқыны» туралы ескерткен болатын. 28 мамырда Делидің Мунгешпур және Нарела аудандарында ең жоғары температура 49,9°C болып, 2002 жылғы 49,2°C рекордын жаңартты.

IMD аптап ыстықтың балалар, қарттар және созылмалы аурулары бар адамдардың денсаулығына кері әсері туралы ескерту жасап, денсаулығы нашар адамдар «өте сақ болу керек», деп мәлімдеген.

Сонымен қатар, қала әкімдігі аптап ыстықтан су тапшылығы қаупі бар екенін ескерткен. Осы жағдайға қатысты елдің су ресурстары министрі Атиши Марлена ысырап болмауы үшін «ұжымдық жауапкершілікке» шақырған. 

Хабарда айтылуынша, көптеген аудандарда су беру күніне екі реттен бір ретке дейін қысқарған.