25 сәуір күні Кашмир алқабында Үндістан мен Пәкістан арасында қарулы қақтығыстар басталды.

Press Trust of India агенттігінің хабарлауынша, екі тарап жеңіл және ауыр қару түрлерін белсенді қолданған.

Қаза тапқандар мен жараланғандар туралы әзірге нақты мәлімет жоқ.

Пәкістанның қорғаныс министрі Хаважа Асиф Sky News арнасына берген сұхбатында ядролық қаруға ие қос мемлекеттің арасындағы шиеленістің күшеюі халықаралық қауымдастықты алаңдатуы тиіс екенін атап өткен.

Сондай-ақ хабарламада Үндістан тарапынан жойғыш ұшақ пен радиолокациялық барлау ұшақтарының әуеге көтерілуі жанжалдың ушығып бара жатқанын және қақтығыс алаңының кеңейіп жатқанын көрсететіні айтылған.