ӨР Инвестициялар, индустрия және сауда министрінің орынбасары Сарвар Хамидов Бүкіл Үндістанның асыл тастар кеңесінің басшысы, «Siroya Jewellers» компаниясының басшысы Раджеш Джейнмен кездесу өткізді.

Министрлігік хабарлауынша, сұхбат барысында жергілікті зергерлік бұйымдарды өндірушілер мен 1950 жылдардың басында Мумбайда құрылған «Siroya Jewelers» компаниясы арасындағы ынтымақтастықты дамыту, сондай-ақ үнді компаниясының зергерлік бұйымдарын Өзбекстандағы бөлшек сауда дүкендеріне жеткізу және сату мәселелері талқыланды. 

«Раджеш Джейн Өзбекстанда зергерлік бұйымдарды өндіру бойынша бірлескен жобаға инвестиция салу ниетін білдірді», делінген хабарламада.

Кездесу барысында халықаралық және үнділік тәжірибе негізінде зергерлік бұйымдарды жобалау саласында кадрлар даярлау мүмкіндіктері де сөз болып, келіссөздер қорытындысы бойынша екі ел арасындағы сауда-экономикалық қарым-қатынасты нығайту мақсатында өзара ынтымақтастықтың келешегін зерделеуді жалғастыру және саланың әлеуетін толық пайдалану туралы келісілген.