Үндістан Кабулдағы елшілігін қайтадан ашты. Оның жұмысы 2021 жылы тоқтатылған еді.

«Бұл шешім Үндістанның ауған тарапымен өзара тиімді барлық бағыттарда екіжақты қатынастарды тереңдету ниетін көрсетеді», — делінген Үндістан Сыртқы істер министрлігінің мәлімдемесінде.

10 қазан күні Үндістан мен Ауғанстан сыртқы істер министрлерінің кездесуінен кейін Нью-Дели елшіліктің қайта ашылғанын хабарлады. Үндістан Сыртқы істер министрлігі сондай-ақ «Ауғанстанның жан-жақты дамуын қолдауға, гуманитарлық мәселелерді шешуге және қайта құру бастамаларына жәрдем көрсетуге дайын» екенін мәлімдеді.