Қорақалпоғистонда сифатсиз қурилган намунавий уйлар можароси қандай ҳал қилинди?
Яқинда ижтимоий тармоқларда бир гуруҳ хотин-қизларнинг шикояти акс этган видео тарқалган эди.
Яқинда ижтимоий тармоқларда бир гуруҳ хотин-қизларнинг шикояти акс этган видео тарқалган эди. Унда аҳоли 2018 — 2019 йилларда кўчиб кирган намунавий уйларининг сифатсизлиги, атрофда ваъда қилинган ижтимоий тузилмалар мавжуд эмаслиги ҳақида шикоят қилганини кўриш мумкин.
Қорақалпоғистон Республикаси Хўжайли тумани «Обод» массивида 2019 йил қурилиб, фойдаланишга топширилган 16 хонадонга эга икки қаватли турар-жойда яшаётган бу инсонларнинг чиқишларига Қурилиш вазирлиги эътибор қаратди.
Вазирликнинг ахборот хизматининг ЎзАга маълум қилишича, мурожаатчиларнинг буюртмачи корхона «Qishloq Qurilish Invest» МЧЖнинг Қорақалпоғистон Республикаси филиали мутахассислари турар жой эгалари билан учрашиб, улар иштирокида намунавий уйлардаги мавжуд камчиликлар жойида ўрганди.
Шунга кўра пудрат ташкилотлари, яъни «Qoraqalpoqavtodiselservis» МЧЖ ҳамда «Kelajak Inshooti» МЧЖларга мазкур турар жойларда қайд этилган камчиликларни жорий йилнинг август ойи давомида бартараф қилиш талаблари қўйилди ва жавобгарлик ҳақида огоҳлантирилди.
Қайд этиш керакки, ушбу мурожаат бўйича Қорақалпоғистон Республикаси қурилиш соҳасида назорат инспекцияси қайд этилган камчиликларни ўз вақтида ва тўла-тўкис бартараф қилинишини назорат қилади.