Фоторепортаж

Наманган вилояти Поп тумани олис ҳудудларидан бири бўлган Найман маҳалласи аҳолисининг бугун қувончи чексиз. Гап шундаки, йиллар давомида найманликларни қийнаб келган тоза ичимлик суви муаммоси ниҳоят бартараф этилди.

[gallery-9010]

3 мингдан зиёд аҳоли истиқомат қиладиган ушбу маҳаллада “Namangan maxsus inshoot qurilish” масъулияти чекланган жамияти томонидан лойиҳа қиймати 4 миллиард 900 миллион сўм бўлган 2 та ичимлик сув қудуғи  янгидан қазилди ва 2 та сув минораси реконструкция қилинди, 28,2 км масофага сув қувурлари ётқизилиб, 640 та хонадон асосий тармоққа уланди.

Ҳотам МАМАДАЛИЕВ (сурат), ЎзА