Hindistonning Nyu-Deli shahrida davom etayotgan para yengil atletika bo‘yicha Jahon chempionatida O‘zbekiston terma jamoasi yana bir yutuqqa erishdi.

Ayollar o‘rtasida F41 toifasida o‘tkazilgan disk uloqtirish bahslarida hamyurtimiz Navro‘za Axmatova 28,83 metr natija qayd etib, nafaqat bronza medaliga sazovor bo‘ldi, balki Osiyo rekordini ham yangiladi.

Shu tariqa, O‘zbekiston delegatsiyasining jahon chempionatidagi umumiy medallari soni 3 ta oltin, 4 ta kumush, 2 ta bronza, jami 9 taga yetdi.

Eslatib o‘tamiz, kuni kecha ayollar o‘rtasida F46 toifasida yadro uloqtirish bellashuvlarida Karomat Omonova 13,07 metr natija qayd etib, Osiyo rekordini yangilashga muvaffaq bo‘lgan edi.

Javohir Toshxo‘jayev, O‘zA