Navoiyda kurash boʻyicha Oʻzbekiston chempionati boshlandi
Avval xabar berganimizdek, bugun Navoiy shahridagi NKMK sport majmuasida kurash boʻyicha Oʻzbekiston chempionati musobaqalariga start berildi.
Avval xabar berganimizdek, bugun Navoiy shahridagi NKMK sport majmuasida kurash boʻyicha Oʻzbekiston chempionati musobaqalariga start berildi.
Jami 15ta vazn toifasida tashkil etilayotgan bellashuvlarda respublikamizning barcha hududlaridan 800 nafarga yaqin polvon gʻoliblik uchun gilamga tushishadi. Bugun erkaklar oʻrtasida 60 va 66 kilogacha, ayollar orasida 48, 52 hamda 57 kilogacha boʻlgan vazn toifalarida Oʻzbekiston chempionlari aniqlanadi.
Ertaga polvonlarimiz 6ta vazn (erkaklar va ayollar uchtadan vaznda) toifasida gilamga tushishsa, 25 yanvar kuni yana toʻrt vazn toifasida bellashuvlar tashkil etiladi.
Eslatib oʻtamiz, ushbu musobaqa mamlakat terma jamoalariga eng munosib nomzodlarni saralab olishga xizmat qiladi.