Навоийда газ баллонларга стикер ўрнатилмоқда
«Ҳудудгаз Навоий» газ таъминоти филиали томонидан газ баллонларга штрих кодли махсус стикерлар ўрнатиш ишлари бошланган.
«Ҳудудгаз Навоий» газ таъминоти филиали томонидан газ баллонларга штрих кодли махсус стикерлар ўрнатиш ишлари бошланган.
Мазкур стикерлар газ баллонларнинг қаерда жойлашганлигини базага қайд қилиб боради.
– Суюлтирилган газ билан таъминланадиган истеъмолчиларнинг барчасига ташкилот маблағлари ҳисобидан ID карта берилади, – дейди филиал директор ўринбосари Шерали Қурбонов. – Ушбу ID картага барча маълумотлар жойлаштирилган бўлиб, истеъмолчининг охирги марта қачон газ баллон билан таъминланганлиги онлайн тизимда кўриниб туради.
Шунингдек, автоматлаштирилган тизимда белгиланган маблағ тегишли муддатда ечиб олинади. Яъни, ҳайдовчи экспедитор ва таъминотчи ходимлар томонидан газ баллон учун қўлдан пул олинишига йўл қўйилмайди. Ҳозиргача вилоятда 8000 донага яқин газ баллонга ана шундай стикерлар ўрнатилган.