1 октябрь – Ўқитувчи ва мураббийлар куни

Юртимизда ўқитувчилар мақомини янада ошириш, уларни ҳар томонлама рағбатлантириш чора-тадбирларига алоҳида эътибор қаратилаётгани ўз амалий натижасини бермоқда.  

Бугунги кунда Навоий вилоятидаги умумтаълим мактабларида 20 мингдан ортиқ фан ўқитувчилари ёш авлод таълим-тарбияси йўлида сидқидилдан меҳнат қилмоқда.

2017-2022 йилларда мактаблардаги педагогларнинг 7,5 фоизи ўрта махсус маълумотли ўқитувчилардан иборат бўлиб, олий маълумотли ўқитувчилар етишмас, педагогларнинг бор-йўғи 2 фоизи олий, 10,5 фоизи эса биринчи тоифага эга эди. 2023 йилга келиб ўрта махсус маълумотли ўқитувчилар сони 3,5 фоизга, ўқитувчиларга бўлган эҳтиёж 4 фоизгача камайишига эришилди. Олий тоифали ўқитувчилар улуши 14 фоизга, биринчи тоифали ўқитувчилар улуши эса 24,5 фоизга ошди.

Бундан ташқари вилоятдаги 1 769 нафар чет тили фани ўқитувчиларининг 1 397 нафари миллий ва халқаро сертификатга эга бўлиб, сертификатларга эга бўлганлар  улуши 30 фоиздан 80 фоизга етди.

[gallery-13770]

Сирож Аслонов (сурат), ЎзА