Республика Маънавият ва маърифат маркази Навоий вилояти бўлими ташаббуси билан Конимех туманидаги умумий ўрта таълим мактабларида фаолият олиб бораётган ижодий-маданий масалалар бўйича тарғиботчилар ҳамда “Ижодкор ёшлар” клуби аъзолари иштирокида “Янги Ўзбекистон ёшлари – келажак пойдевори” мавзусида давра суҳбати ўтказилди.

Тадбирда мамлакатимизда ёшларга яратиб берилган имкониятлар хусусида сўз юритилиб, 14 январь – Ватан ҳимоячилари куни муносабати билан туман Баркамол авлод мактаби билан ҳамкорликда “Миллий армиямиз – Янги Ўзбекистоннинг мустаҳкам қалқонидир!” мавзусида расмлар танлови ҳамда туман Ахборот-кутубхона маркази билан ҳамкорликда “Викторина” интеллектуал ўйини ташкил этилди.  

* * *

Конимех туман ИИБ бошлиғи ўринбосари “Зафаробод” маҳалласида сайёр қабул ўтказилди.

Қабулда фуқароларнинг 12 та мурожаати тингланиб, уларнинг 6 таси қаноатлантирилди, 4 тасига ҳуқуқий тушунтириш берилди ва 2 тасининг ижроси назоратга олинди.

Қабулдан сўнг “Зафаробод” маҳалласи ҳоким ёрдамчиси ва ёшлар етакчиси томонидан амалга оширилаётган ишлар ўрганилиб, келгусида амалга оширилиши лозим бўлган вазифалар белгилаб олинди.

* * *

Кармана туманида 2022 йилда сертификат асосида жами 331 нафар ногиронлиги бўлган шахс ва пенсионерлар 275 миллион сўмлик реабилитация техник воситалари ва протез-ортопедия маҳсулотлари билан таъминланди.

Ўзбекистон Республикаси Вазирлар Маҳкамасининг 2021 йил 19 ноябрдаги “ Аҳолига санаторийларда даволаниш учун йўлланмалар бериш соҳасига ахборот-технологияларини жорий этиш тўғрисида”ги қарорига кўра, 241 нафар 1-2-гуруҳ ногиронлари ва ёшга доир пенсионерларга навбат асосида Тиббий ижтимоий хизматларни ривожлантириш Агентлиги тизимидаги санаторийларга йўлланмалар берилган.

Шунингдек, 9 нафар якка-ёлғиз яшовчи кекса пенсионер ва ногиронлар 14,8 миллион сўмлик 19 турдаги асосий озиқ-овқат маҳсулотлари ва шахсий гигиена воситалари билан таъминланган.

* * *

14 январь - Ватан ҳимоячилари куни муносабати билан Навоий давлат педагогика институти профессор-ўқитувчи ва ишчи ходимлари ўртасида спортнинг волейбол тури бўйича “Ректор кубоги” мусобақаси ўтказилди.  

Финалда “Жисмоний маданият факультети” жамоаси “Ректорат” жамоасини  2:1 ҳисобида мағлубиятга учратиб, 1-ўринни қўлга киритди.  

Абдували Бўриев, ЎзА