Россиянинг нуфузли нашриётларидан бири – “Чебоксары” томонидан Алишер Навоий ғазаллари рус ва чуваш тилларида чоп этилди.

Маълумки, буюк шоир ва мутафаккир, атоқли давлат ва жамоат арбоби Алишер Навоийнинг бебаҳо ижодий-илмий мероси нафақат халқимиз, балки жаҳон адабиёти ривожида алоҳида аҳамиятга эга.

Айни шу боис бу йил Навоий таваллудининг 580 йиллиги нафақат мамлакатимиз, балки дунё мамлакатларида ҳам кенг нишонланмоқда. Хусусан, мазкур китоб ҳам Ҳазрат Навоий таваллуди санаси муносабати билан чоп этилди.

Ғазалларни рус тилига Николай Кушманов маҳорат билан таржима қилган.