Шу йилнинг 30 ноябрида ниҳоясига етган мамлакат XXIV миллий чемпионати суперлигасида Наманганнинг “Навбаҳор” жамоаси 40 очко жамғариб, мавсумини еттинчи ўринда якунлади.

Шуни алоҳида эътироф этиш даркор, “Навбаҳор” миллий чемпионатимизга асос солинганидан буён олий лига, суперлигада мунтазам қатнашаётган иштирокчилардан бири саналади.

Ортда қолган 34 чемпионатда “Навбаҳор” жамоаси 988 ўйин ўтказиб, уларда 454 бор зафар қучган. 218 беллашувда дуранг қайд этиб, 316 баҳсни мағлубият билан якунлашган мажбур бўлган. Ўтган давр мобайнида рақиблар дарвозасига жами 1 минг 585 марта гол уриб, ўз дарвозасидан 1 минг 144 тўп олиб чиққан. Наманганлик футболчиларнинг 1992-2025 йиллар давомида учрашувларда жамғарган жами очкоси 1 минг 580 тага етган.

Миллий чемпионатлар тарихида шу пайтгача “элита”да қатнашган 40 та жамоа орасида “Лочинлар” умумий очколар сони бўйича фақатгина Тошкентнинг “Пахтакор” (жами 2 минг 155) ва Фарғонанинг “Нефтчи” (жами 1 минг 729) жамоаларидан ортда бормоқда. Тўртинчи поғонадаги Қаршининг “Насаф” клуби умумий очкоси эса 1 минг 547 та.

Дарвоқе, ўтган ўттиз тўрт йил мобайнида стадионларга томошабинларни тўплаш борасида “Навбаҳор” мухлислари етакчиликни қўлдан бермасдан келмоқда.

Оқилхон Дадабоев, ЎзА.