Биыл Наурыз айынан бастап Ташкент пен Варшава арасында тікелей әуе қатынасы ашылады.

Ұшулар 2024 жылдың 13 наурызынан басталады. Варшава мен Ташкент арасында тұрақты рейстерді LOT Polish Airlines әуе компаниясы орындайды.

2023 жылы Өзбекстанға келген поляк туристерінің саны 8 мың болды. 2024 жылы бұл көрсеткішті 25 мыңға жеткізу жоспарланған.

Рейстер аптасына үш рет: Варшавадан Ташкентке сәрсенбі, жұма және жексенбі күндері, Ташкенттен Варшаваға дүйсенбі, бейсенбі және сенбі күндері Boeing 737 MAX 8 ұшағымен орындалады.