Польша президенти Анжей Дуда Польша, Словакия, Чехия ва Венгрия тўртлиги учрашувидан кейин журналистларга шу ҳақда маълум қилди. Дуданинг таъкидлашича, у НАТО бош котиби Йенс Столтенберг билан телефон орқали суҳбатлашган.

"Мен бош котиб Столтенбергга Зеленскийнинг илтимосини етказдим. Зеленский давлат ва ҳукумат раҳбарлари даражасида НАТОнинг навбатдан ташқари саммитини ташкил этишни сўради. Бош котиб Йенс Столтенберг айни дамда шундай қадам ташлаш ҳақида жиддий ўйлаётганини айтди”, деди у.

"Катта эҳтимол билан келаси ҳафтада шундай учрашув бўлиб ўтиши мумкин", – қўшимча қилди у. Аввалроқ Столтенберг агар зарур бўлса НАТО виртуал саммитини ўтказиши мумкинлигини маълум қилган эди.