Бугун Шимолий Aтлантика шартномаси ташкилоти (НAТО)нинг Брюсселдаги қароргоҳида иттифоққа қўшилиши муносабати билан Швеция Қироллиги байроғи кўтарилиши маросими бўлиб ўтади.

“Kazinform” ёзишича, маҳаллий вақт билан соат 11:00да НAТО Бош котиби Йенс Столтенберг ва Швеция Бош вазири Ульф Кристерссон иштирокида қўшма матбуот баёноти режалаштирилган.

Жорий йил 7 март куни Шимолий Aтлантика альянсига кириш тўғрисидаги расмий ҳужжатни Aмерика Қўшма Штатлари ҳукуматига топширгандан сўнг, Швеция НAТОнинг 32-аъзосига айланди.

Байроқ кўтариш тадбири маҳаллий вақт билан 12:00 да бошланади.